ЕП жени: Шамионатот заврши за Црна Гора и за Хрватска

По одигрувањето на натпреварите од 3.коло заврши првата фаза по групи од Европското првенство во ракомет за жени. По денешните натпревари од групите Ц и Д шампионатот заврши за Црна Гора и за Хрватска.

Црна Гора по поразот од Унгарија поради послабата гол разлика од конкурентките го освои последното место во групата, додека Хрватска не постигна ниту една победа.

Резултати од 3.коло:

Ц група (Малме): Црна Гора - Унгарија 14:21 и Данска - Чешка 33:29.

Табела: Данска 6 бодови, Чешка 2, Унгарија 2, Црна Гора 2.

Д група (Хелсингборг): Хрватска - Романија 26:31, Норвешка - Русија 23:21.

Табела: Норвешка 6, Романија 4, Русија 2, Хрватска 0.

Трите првопласирани екипи од двете групи ќе ја формираат групата 2: Норвешка 4 бодови, Данска 4, Романија 2, Чешка 2, Унгарија 0, Русија 0.

Утре во Гетеборг стартуваат натпреварите од групата 1: Србија - Германија (почеток 16:15 часот), Шведска - Холандија (почеток 18:30) и Шпанија - Франција (почеток 20:45).