ЕМА: Нема нови несакани ефекти кај вакцината на Фајзер
– Европската агенција за лекови (ЕМА) заклучува во својот прв извештај за безбедноста на вакцината против Ковид-19 на Фајзер/Бионтек дека досега собраните податоци за употребата на вакцината во ЕУ се во согласност со познатиот безбедносен профил и оти не се идентификувани нови несакани ефекти.
Извештајот на ЕМА не идентификува нови аспекти кога станува збор за сериозна алергиска реакција, што е познат несакан ефект на оваа вакцина, кој се јавува во приближно 11 од милион случаи во САД.
Во исто време, не е утврдена посебна грижа за безбедноста на вакцините кај изнемоштените стари лица.
Придобивките од вакцината во превенцијата на Ковид-19 сè уште ги надминуваат сите ризици и нема препорачани промени во врска со употребата на вакцината, заклучува ЕМА.
Се додава дека е познато дека најчестите несакани ефекти, кои повеќето вакцинирани луѓе дури и не ги чувствуваат, обично се благи или умерени и се подобруваат за неколку дена по вакцинирањето.
ЕМА нагласува дека безбедноста и ефикасноста на вакцината произведена од „Фајзер“ и „Бионтек“ ќе продолжи да се следи додека се користи во ЕУ и на глобално ниво, преку системот на ЕУ како дополнителни студии за производители и независни студии координирани од европските власти.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот