Ел Салвадор: Поранешниот претседател украл 246 милиони долари

Државниот обвинител на Ел Салвадор, Даглас Менделез објави дека поранешниот претседател на таа централноамериканска држава, Елијас Антонио Сака, украл 246 милиони долари државни пари. Сака и шест други лица беа уапсени минатиот викенд .

– Вкупен износ од 246 милиони долари е проневерен и префрлен на сметки на поединци и во корист на обвинетите, изјави Менделез на прес конференција.

Неколку компании поврзани со роднина на Сака се под истрага со судски налози.

Сака (51) и шест други осомничени лица меѓу кои и тројца актуелни од владата на Ел Салвадор, беа уапсени во викендот под обвинение за проневера и перење пари.