Експлозија одзеде најмалку 10 животи во швајцарскиот скијачки центар Кран Монтана

Швајцарската полиција изјави за Скај њуз дека во експлозија во бар во скијачки центар загинале најмалку 10 лица, а уште 10 се повредени.

Полицијата, исто така, потврди дека инцидентот не се третира како терористички напад.

Портпаролот на полицијата претходно изјави дека има многу повредени и многу мртви.

„Имаше експлозија од непознато потекло“, изјави портпаролот на кантоналната полиција Галтан Латион. 

Експлозијата се случила во швајцарскиот скијачки центар Кран Монтана, во кантонот Вале за време на новоогдишната прослава околу 1:30 часот по локално време во барот „Констелејшн“, кој е многу популарен кај туристите. 

Сликите објавени во швајцарските медиуми покажаа зграда во пламен и служби за спасување во близина.

„Операцијата е сè уште во тек“, нагласи портпаролот. 

МИА