Експерти: Лидерската е вовед во политички дијалог, но без големи очекувања

Лидерското соочување на Мицкоски и Филипче го отвора патот за политички дијалог, но без поголеми очекувања, смета експертската јавност во очи на средбата на двајцата лидери. Наместо тет-а-тет средба, за стратешките определби на државата како што бара опозицијата, дебатата треба да се води во парламентот, каде се и народните избраници, велат аналитичарите.

Иако лидерските средби додега биле вовед во барање за предвремени парламентарни избори, експертите сметат дека засега нема основа да се бара ново изборно соочување наесен заедно со локалните избори. 

И двете страни седнуваат на маса со ставови дека за темите потребен е сериозен пристап. Опозицијата пак смета дека потребна е натпартиска стратегија во сите области чија реализација нема да зависи од тоа кој е на власт, а кој во опозиција.

По средбата Мицкоски - Филипче ќе биде јасно дали ќе биде иницирана и лидерска средба во проширен состав. Лидерите на останатите парламентарни партии пак остануваат воздржани. За албанскиот коалиционен партнер лидерска би било губење на време. ДУИ пак условува со анкетна комисија за Кочани.