Еколошка катастрофа во Перу: По ерупцијата во Тонга силно излевање на нафта
Властите во Перу соопштија дека излевањето нафта кај брегот на земјата предизвикало „еколошка катастрофа“. Од рафинеријата Ла Пампила протекоа повеќе од 6.000 барели нафта поради брановите кои ја погодија по ерупцијата на вулканот во Тонга.
Властите ги затворија трите најпогодени плажи каде има многу мртви животни покриени со нафта.
Претставници на Министерството за надворешни работи го повикаа операторот Репсол да плати отштета.
„Ова е најлошата еколошка катастрофа што се случи околу Лима во последно време и која сериозно оштети стотици семејства на рибари. Репсол мора веднаш да ја надомести штетата“, објави Министерството на Твитер.
Портпаролката на компанијата Тина Ван Ден Вол Бејк ја негираше одговорноста, велејќи дека излевањето се случило во ограничена област.
„Ние не ја предизвикавме оваа еколошка катастрофа и не можеме да кажеме кој е одговорен“, рече Ван Ден Вол Бејк.
Но, премиерката Мирта Васкез подоцна изјави дека компанијата „очигледно“ немала план како да се справи со истекувањето на нафтата во случај на непредвидена ситуација.
Обвинителите започнаа истрага за улогата на Репсол во инцидентот, а Министерството за животна средина предупреди дека компанијата може да плати казна од повеќе од 34,5 милиони долари.
Официјални лица велат дека истекувањето оштетило околу 18.000 квадратни километри заштитени подрачја населени со ретки растителни и животински видови. Се чистат околу три километри плажи.
Ново на Сител
-
МВР со детали за сообраќајката во Ѓорче каде загина пешак
-
Утре попладне и за време на викендот пороен дожд, грмежи и засилен ветер
-
Пратеничката група на ВМРО-ДПМНЕ и Коалицијата ќе поднесат интерпелација за Талат Џафери
-
Бесими: МФ не е адресата за протести на синдикатите, ниту институција кога преговара со нив
-
ВМРО-ДПМНЕ: Зошто владини функционери запишани како новинари биле на државен трошок биле во Софија?
-
Бесими: Ребалансот е одговор на кризата, предвидува кратења, но и додавања
-
Украинската армија тврди дека во руски напади се убиени петмина цивили, 12 се ранети
-
Бајден ќе ја номинира Анџела Прајс Агелер за нова амбасадорка на САД во земјава