Екологистите бараат поголема заштита на езерото под заштита од УНЕСКО
Охрид го одбележува 21 јуни Денот на езерото
Потребна е поголема контрола со поставување на видео системи и комунална полиција која ќе дежура и превенира за да се спречи загадувањето ,рибокрадството и неконтролираното градење на самото крајбрежје и во езерото .Екологистите повторно алармираа дека поради негрижата години наназад е доведен во прашање статусот на Охридското езеро под заштита на Унеско.
Традиционално и оваа година по повод 21 јуни,Денот на езерото беше организирана еколошка акција се со цел да нема повеќе пластика во езерото, а и да се изградат еколошките навики и развој на одржлив туризам.
Првиот ден на летото 21 јуни, во 2000-та година беше прогласен за ден на Охридското Eзеро. Тогаш е потпишан меморандумот за заштита на езерото помеѓу Охрид, Струга и Поградец, со цел подигање на свеста за поголема заштита на езерото како природно наследство од македонска и албанска страна.
-
Нина Аритоновска
Сите содржини од овој новинар