„Еко- живот“ од Кавадарци во меѓународен проект за заштита на животната средина
Регионалното еколошко друштво „Еко-живот“ од Кавадарци беше дел од меѓународен проект за заштита на животната средина.
Претседателот на друштвото Роберто Паризов денеска појасни дека овој еколошки центар на проектот соработувал со програмата „Еразмус+“ од Романија.
- Оваа еколошка организација и член на Друштвото на екологистите на Македонија, во рамките на проектот, со свои претставници учествуваше и на меѓународниот семинар за зачувување и унапредување на човековата околина кој деновиве се одржа во Романија, рече Паризов.
Владимир Маневски, еден од основачите на друштвото и координатор истакна дека главниот акцент на семинарот бил „редуцирање, реупотреба, рециклирање”.
- Едукацијата од страна на предавачите беше со примена на видео материјали, интерактивна настава, како и настава во природа. Исто така во рамки на семинарот беа организирани и работилници, на кои учесниците практично ги запознаваа начините за реупотреба на веќе претходно користените добра. Целта на семинарот беше подигање на јавната свест и пренесување на искуства како да се редуцира употребата на природните ресурси, реупотреба на искористените добра, како и рециклирање на претходно селектираниот отпад, рече Маневски.
Здобиените искуства, додаде, екологистите како главен двигател, ќе ги пренесат на пошироката јавност, посебно на помладите генерации.
Ново на Сител
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање
-
Следната недела СДСМ ја почнува постапката за избор на ново раководство
-
МЗ како портпарол на Токсикологија со обвинувања за Нико Беќаровски - професорот негира и најави тужба
-
Македонија 2025: Дијаспората сака да помогне, власта нема слух