ЕК потврди прв чекор кон одземање на правото на глас на Полска во Советот на ЕУ

Во Европската комисија потврдија дека преземаат прв чекор од процедурата за одземање на правото на глас на Полска во Советот на Европската унија, јави БТА. 

- Тој чекор е поради непочитување на владеењето на правото во државата, изјави на прес конференција заменикот претседател на Комисијата, Франс Тимерманс.

Полскиот премиер Беата Шидло повика денеска опозицијата да се солидаризира со Владата поради, како што нагласи – клеветењата на државата во странство.

– Полска неправедно е обвинета за нешта кои не постојат во државата и оти не гипочитува принципитена правата држава. Тоа не е точно. Демократијата во Послка е во добра состојба, изјави Шидло пред парламентот. 

- Денеска треба да се обединиме и да се стабилизираме на меѓународен план. Благодарам на лидерите на парламентарните групи дека сакаат да говорат во еден глас за главните прашања, наведе таа.

Изјавите на премиерката се совпаднаа со дебатите во ЕК заради спорните закони прифатени од Варшава што се однесуваат за медиумите и Уставниот суд.