Едукативна кампања против употреба на пиротехнички средства
Полициски службеници од Одделението за превенција и волонтери на Црвениот крст вршат едукативни предавања за ризици од употреба на пиротехнички средства во основните училишта во Струга.
Кампањата е под мотото „Биди ѕвезда, не фрлај петарди“, а најмладите, како што појасни портпаролот на СВР Охрид Стефан Димоски, ќе бидат запознаени со опасностите и последиците што може да се предизвикаат од користење пиротехнички средства.
Во изјава за МИА тој потенцира дека на најмладите им се укажува оти со користење пиротехника лицата се изложени на опасност од изгореници на рацете и лицето, очите и дишните патишта, опасност од експлозија, нагрденост на лицето, можни психички трауми…
– Целта на кампањата е едукација и подигнување на јавната свест кај граѓаните посебно кај младата популација за опасностите од нелегална употреба на петардите и друга пиротехника, истакна Димоски.
Во рамките на кампањата, посочи, ќе бидат нагласени начините на превенција и казнените законски одредби за неовластена употреба на пиротехнички средства на јавно место што претставува општа опасност со која се загрозува сигурноста на граѓаните.
– Купувањето и активирањето петарди или пиротехнички средства на јавни места, на улица, во дворови, влезови на станбени згради, претставува законски прекршок за кој е предвидена глоба од 200 до 500 евра. Доколку се набавуваат и дистрибуираат на пазарот, тоа претставува кривично дело за кое е предвидена парична или казна затвор до три години, а родителите на малолетниците што не навршиле 14 години ќе мора да платат од 600 до 800 евра, доколку нивните деца испукуваат петарди, изјави Димоски.
Во рамките на капмањата „Ризици од употреба на пиротехнички средства“ едукативни предавања се одржуваат и во основните училишта во општините Охрид, Дебар и Кичево.
Ново на Сител
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“