Едукација на основци за правила и безбедност во сообраќајот

СВР Куманово, отсекот за превенција и безбедност во сообраќајот и училиштата денеска  продолжија со активности за едукација и обука на училишни сообраќајни единици. 

 

Во една од трите вклучени автошколи од Куманово, лиценцирани предавачи на основците им одржаа предавање за начинот на добивањето  возачката дозвола, надгледни средства кои се користат за едукација на кандидатите и потсетување на сообраќајни правила, прописи за регулирање на сообраќајот.

 

По обуката, полициските службеници од патниот сообраќај и учениците заеднички извршија контрола и регулирање на сообраќјот во централното градско подрачје. На дел од возачите тие им укажаа на грешките и прекршоците и им поделија едукативни флаери, со што упатија порака сите ученици да ги почитуваат правилата и прописи за  безбедно учество на децата во сообраќајот.

 

-Целта на обуките е да им се укаже на учесниците во сообраќајот да ги почитуваат правилата и прописите, да се подигне безбедноста на сите учесници во сообрааќјот, но пред се на учениците, изјави Виолета Богдановска од отсекот за превенција.

 

Учениците и припадниците на полицијата заеднички и во наредниот период ќе патролираат околу училиштата и низ централните градски улчици. Во оваа фаза  од проектот  опфатени  се дванаесет основни училишта.

 

Во рамки на проектот предвидено е да се одржат вкупно 36 часа обука на учениците заедно со тимот од Општинскиот совет за безбедност, од СВР Куманово и Општина Куманово.

 

Во понатамошната реализација на проектот ќе бидат вклучени и училишта од општините Старо Нагоричане и Липково.