Ѕанакопулос: Ратификацијата на Договорот од Преспа ќе биде согласно неговите одредби

Портпаролот на грчката Влада и министер без ресор Димитрис Ѕанакопулос, во интервју за грчкото радио “Њуз247” вели дека ратификацијата на Договорот од Преспа ќе биде согласно со одредбите од самиот договор, јави дописничката на МИА од Атина.

– Премиерот рече дека договорот ќе биде доставен во грчкиот Парламент врз основа на она што го одредува самиот Договор од Преспа, а потоа ќе се одреди процесот за ратификација на договорот, рече Ѕанакопулос во интервјуто, одговарајќи на прашањето во врска со тоа дали доколку кај нас уставните измени завршат во јануари, во Грција би дошол на ратификација во март.