-->
-->
Двојна титула за Ѓорческа на фјучрс во Анталија
-->
Македонската тенисерка Лина Ѓорческа победи на фјучрсот во Анталија и во поеднинечна конкуренција откако денеска во финалето ја победи Русинката Александра Поспелова со 2:1 во сетови (6:3; 4:6 и 6:0). Финалето траеше 1 час и 46 минути. Ова за Ѓорческа е вкупно петта титула во сингл во кариерата, а трета во 2015 година (претходно победи во Тарсус и Врњачка Бања). Претходно победи 2014 во Варна и 2012 во Арад.
Во првиот сет Русинката Поспелова ги доби првите два сета за водство од 2:0 во гемови, а потоа Ѓорческа освои пет гема во серија и сетот го доби со 6:3 во гемови. Во вториот сет обратна слика на теренот. Нашата тенисерка по водство на ривалката од 1:0, имаше водство од 4:1 во гемови, но и дозволи на Поспелова да изедначи во мечот откако сетот го доби со 6:4 во гемови.
Во решавачкиот сет Ѓорческа доминираше и го доби сетот со 6:0 во гемови и притоа ги искористи трите брејк топки и скорот во поени само во третиот сет беше 26:9. Во текот на мечот билансот на поени беше 87:70 за Ѓорческа или 7/8 искористени брејк топки за нашата тенисерка, а Поспелова имаше 4/10.
Вчера Ѓорческа заедно со Ива Приморац од Хрватска го освои овој турнир и во конкуренција на двојки. За секој триумф таа ќе добие по 12 поени.
Ѓорческа оваа година го играше своето шесто финале во сингл и откако ги загуби првите три (Шарм Ел Шеик и Бол (две)), во следните три победи.
-->
-->
-->
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o