Двегодишно дете, петта жртва на грипот во Албанија

Двегодишно дете е петта жртва од сезонскиот грип во Албанија, потврди Министертвото за здравство.

Според истиот извор, двегодишниот Б.З.од селото Шнколи кај Лежа, утрово починал во Унверзитетската клиника болница „Мајка Тереза“, каде бил хосипатлизиран пред два дена во тешка здравствена состојба. Детето една недела било со висока телесна температура,г розница и кашлица, по што му се јавил и менингит.

И останатите членови од неговото семејство биле заразени од грип од типот А, потврдила анализата во Инситутот за јавно здравје.

Детето е петта жртва од сезонскиот грип во Албанија, по двата случаи на петти јануари и по еден случај на 11 и 13 јануари, кои боледувале од некоја хронична болест, а ги погодил и сезонскиот грип.

Грипот во оваа земја добива загрижувачки размери. Евидентирани се над 25 илјади заболени, но се верува дека таа бројка е многу поголема бидејќи дел не се јавиле на лекар и се лекувале во домашни услови.

Инаку во Албанија денеска почна наставата за основците и средношколците ,по продолжениот одмор, како мерка да се спречи проширувањето на грипот. Сепак според медиумите наставата се одвива со скратени часови, а поголрм број деца не се јавиле на училиште поради грипот, но и лошите временски услови.