Две победи на Јотовски на стартот од третиот фјучрс во Скопје

 

Македонскиот тенисер Јотовски со две победи и тоа над тенисери од Македонија го почна третиот фјучрс. Во сингл беше подобар од Мицов, а во двојки заедно со Русевски ги победија Мицов и Зеленков.

Во мечот од 1.коло на третиот фјучрс во Скопје во дуел на македонските тенисери Томислав Јотовски постигна победа од 2-0 во с етови и се избори за пласман во следното коло. Тој беше поуспешен од Стефан Мицов со 6:3 и 6:4 во гемови. Мечот траеше речиси два часа.

Мицов подобро го „отвори“ дуелот и поведе со 3:0 во гемови, а Јотовски направи серија од осум гема со што го доби првиот сет и поведе со 2:0 во следниот сет. Но, Мицов се врати во игра и поведе со 4:3 во гемови. Јотовски пак направи серија и го доби сетот со 6:4 во гемови.

Во следното коло Јотовски ќе игра против првиот носител Ричард Гејб од Велика Гританија. 

Во двојки резултатот Јотовски, Русевски - Мицов, Зеленков беше 6:4 и 7:6 (7:1).

На нашите тенисери денеска настап во двојки имаше Горазд Србљак, кој загуби заедно Калин Манда од Романија загубија од третите носители Питер и Самуле Ботвел од Република Ирска.