Две моќни експлозии избувнаа на крстосница во Анкара

Две експлозии избувнаа на крстосница во турската престолнина Анкара, соопшти Си-Ен-Ен Турк.

Турските медиуми јавуваат дека има голем број повредени лица, но засега нема потврда за загинати во експлозиите.

На местото на настанот, кој се случи во близина на централната станица, испратени се многу амбулантни возила.

Експлозиите се случија непосредно пред планираниот мировен марш, во знак на протест против конфликтот меѓу државата и курдските милитанти во југоисточна Турција.

Засега не се знае причината за експлозиите. 

/