Двајца турски војници загинаа во судири со курдски бунтовници

Двајца припадници на турските безбедносни сили се убиени, а тројца се повредени при судири со бунтовници на Курдската работничка партија (ПКК) во југоисточниот дел на Турција.

Турските војници вчера убиле еден курдски бунтовник, кој учествувал во напад врз полициски автомобил, во кој загинаа тројца полицајци.

Во три реони на градот Силван веќе девет дена во сила е полициски час и безбедносните сили извршуваат антитерористички операции против ПКК.

Во меѓувреме, полицијата во округот Сирт открила големо количество на оружје и муниција кои им припаѓале на ПКК, а биле скриени во една градина.