Двајца повредени во судар на камион и автомобил

Вчера околу 14.00 часот на автопатот Куманово-Скопје, во с.Романовце, се случила сообраќајна незгода помеѓу патничко моторно возило „БМВ“ со бугарска национална ознака, управувано од З.С. (44) од Куманово и товарно возило „Ман“ со српска национална ознака, управувано од М.И. (25) од Р.Србија.

Во незгодата возачот на автомобилот се здобил со тешки телесни повреди и по укажаната лекарска помош во ЈЗУ-Куманово е префрлен во Ургентен центар Скопје, додека сопатничката од истото возило С.С. (43) од Куманово, се здобила со телесни повреди и била пренесена и задржана на лекување во ЈЗУ-Куманово.

Увид на местото на настанот извршила екипа од СВР Куманово.