Двајца потешко и четворица полесно повредени во 10 сообраќајки во Скопје
Двајца пешаци се здобиле со тешки телесни повреди во две од вкупно 10 сообраќајки регистрирани во текот на изминатиот ден на подрачјето на СВР Скопје. Во четири незгоди со полесни повреди се здобиле четири лица, а во четири била причинета само материјална штета.
Од МВР информираат дека вчера сообраќајната полиција открила и санкционирала седум возачи што се движеле со брзина поголема од дозволената, седум возачи кои поминале коловоз на црвено светло, тројца возачи што не дале првенство на минување на пешаци, тројца возачи за неправилно престројување и двајца возачи за неправилно престигнување.
Од сообраќај биле исклучени двајца возачи кои го управувале возилото под дејство на алкохол, 13 возачи пред да се стекнат со право на управување на моторно возило и четворица возачи почетници, како и девет нерегистрирани возила и едно возило за претовар. Санкционирани биле и четири пешаци кои поминале коловоз вон пешачки премин. Затекнати биле 117 непрописно паркирани возила.
Со помош на специјалното возило пајак, отстранети биле 82 возила.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници