Дваесет лица уапсени пред протестите во Шведска

Шведската полиција уапси 20 луѓе, повеќето странци, пред почетокот на денешните протести на неонацистичкото Нордиско движење на отпорот во Гетеборг, кој е втор град по големина во Шведска.

Меѓу уапсените се наоѓа едно лице кое е осомничено за физички напад врз полицаец, како и две лица поради носење ножеви, соопшти полицијата во Гетеборг.

Полицијата очекува околу илјада учесници на собирот на Нордиското движење на отпорот, а десничарите планираат да учествуваат до 10.000 луѓе.

Нордиското движење на отпорот, кое отворено промовира антисемитистичка политика, прво се обидело протестниот марш да минува во близина на синагогата, но полицијата тоа не го дозволи.