Дупла работа за уписите на идните средношколци

Уписот за средношколците и годинава, налик на запишување на семестар на УКИМ. Потребните документи за упис, ќе треба да ги потполнат и електронски, но ќе треба да ги достават и во хартиена форма во воспитно-образовните установи. Првото електронско пријавување на деветтоодделенците започнува во четврток, а завршува на 25. јуни, соопштија од МОН.

Од Форумот за образовни промени се децидни дека електронското и хартиеното пријавување на документите претставува дупла работа за учениците.

Од Сојузот на средношколци пак сметаат дека ова е позитивен чекор кон дигитализацијата на средното образование.

Второто електронско пријавување во јунскиот уписен рок ќе биде на 1 и 2 јули.