Држејќи се за раце: Сопружници починале на ист ден, по 77 години брак
Џојс и Френк Дод, кои биле во брак скоро осум десетлетија, починаа во ист ден, и тоа откако болничарите ги поместиле нивните кревети еден до друг.
Џојс имала полни 97, а нејзиниот сопруг 96 години. Тие починаа во болницата Дарен Воли во англиското гратче Дартфорд.
Џојс и Френк се запознале уште како тинејџери, на 14 години, а се венчале пет години подоцна. Во брак биле 77 години. Имаа пет деца, 12 внуци, 10 правнуци и двајца чукунвнуци.
Во последните денови од својот живот, сопружниците биле болни и лежеле во посебни болнички оддели, но обајцата починале истиот ден кога персоналот одлучил тие своите последни мигови да ги минат заедно, држејќи се за раце.
- Персоналот беше извонреден. Не прашаа дали сакаме да ги спојат. Го доведоа татко ми на катот, за да можат да се држат за раце. Се беше над нашите очекувања, изјави нивната 75-годишна ќерка Ангела Бонел.
Брачната двојка Дод ќе бидат кремирани на 15 мај.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени