Државно првенство со афирмација на бадмингтонот

Шест клуба (Инекс, ВИП, Марива, Никола Карев, Победа и Пикок) се натпреваруваа во финалното коло на државното првенство во бадминтон. Во сезона 2016/2017 клубовите се натпреваруваа во кадетска, јуниорска и во конкуренција на ветерани.

 

Поедниечно државни шампиони во конкуренција на кадети станаа Александар Стаменов во машка и Марија Манчевска во женска конкуренција. Првите места во јуниорска конкуренција ги освоија Петар Живковски и Ина Стефановска.

 

Ветераните се натпреваруваа во конкуренција на машки, женски и мешани двојки. Првите места ги освоија Марјан Спасов и Марјан Стојановски (машки двојки), Лидија Илиева и Весна Чавировска (женски двојки), односно Дарко Апостолов и Лидија Илиева (мешани двојки).

 

Инаку секој од клубовите кои учествуваше на државното првенство, со цел да го афирмира овој спорт во Македонија, во кадетска конкуренција, вклучија и повеќе училишни аматерски клубови.