Државата ќе стимулира изградба на објeкти за групно домување

Државата ќе ги продава градежните парцели по 70 денари за квадрат. Цената ќе важи само за оние инвеститори кои сакаат да докупат државно земјиште за да изградат  ученички, студентски и старски домови како и домови за деца без родители  и незгрижени лица или пак , веќе имаат социјални објекти а им треба поголем простор.

Со мерката се опфатени 58 општини .Надлежните појаснуваат дека изборот е направен според  интересот на инвеститорите но и потребата да се заживеат некои од општините.

-Одлуката за намалување на цената е дел од нашите реформски цели со кои сакаме да го стимулираме градежниот сектор. Истовремено ова е значајна социјална мерка со која ќе се овозможи згрижување и подобрување на условитре за домување и престој, изјави министерот за транспорт и врски, Сугарески. Додаде дека со оваа мерка исто така ќе се стимулира приватниот сектор, ќе се привлечат нови инвеститори, а ќе придонесе и за локален економски раст и порамномерен развој во државата.

Сугарески потенцира дека цената важи само за дооформување на градежните парцели и ќе се одвива со непосредна спогодба. Другото државно змејиште и натаму ќе се продава по пат на јавен повик и ќе се гради согласно деталните урбанистички планови.

Досегашните цени во овие реони се движеле од 400 до 1600 денари за квадрат, поради што имало чести поплаки од инвеститорите кои сакаат да градат вакви објекти.

Одлуката за намалување на цената е донесена на последната владина седница и ќе важи по објавувањето во Службен весник.