Фудбал
26. July 2015 - 15:20

Друловиќ: Добивме силните противници, ветувам ќе играме храбро против сите

 
На вчерашниот ждреб за светското првенство во Русија 2018 година репрезентацијата на Македонија ги доби своите противници од Групата Г: Шпанија, Италија, Албанија, Израел и Лихтенштајн,
На ждребот кој се одржа во Санкт Петерсбург, македонската А репрезентација беше извлечена во една исклучително тешка, но и атрактивна група.
 
По Евро квалификациите, Македонија повторно ќе се сретне со Шпанија и во разигрувањето за одредување на патниците на светското првенствпо во Русија во 2018 година. Македонската репрезентација во рамки на овие квалификации за прв пат ќе игра со Италија, атрактивен, но и исклучително силен противник,
 
- Добивме извонредно атрактивни ривали, како Шпанија и Италија, кои сигурно се селекции со огромен рејтинг. Ги имаме и Албанија, Израел и Лихтенштајн за ривали, и од сегашен агол можам да ветам дека Македонија ќе игра храбро и одважно против сите, и ќе се бори да се пласира на што е можно повисоко место на табелата. Стартуваме од петтиот шешир, но сигурно дека ќе сториме се со идните резултати да направиме забележителен напредок и во иднина да се стремиме кон четвртиот, но и третиот шешир. Се надевам дека  со макотрпна работа и со бележење на многу подобри резултати ќе одиме напред. Во моментов сме комплетно фокусирани на преостанатите мечеви од овој циклус за ЕП во Франција - истакна селекторот Друловиќ.