Драма и пукање во Скопје

 

 

Во 17 часот и 20 минути во текот на вчерашниот ден откако полициски службеници од Неготино се обиделе да сопрат две возила во кои наводно се превезувале мигранти, истите не застанале и продолжиле кон автопат Велес-Скопје кај Штипска петља, каде биле поставени патроли од полицијата.

 

Според податоците, било сопрено возило Мерцедес, додека второто возило марка Ауди со Швајцарски регистерски ознаки, продолжило да се движи со голема брзина кон Скопје. При тоа, еден од полицајците поради заплашување испукал 2-3 куршуми од автоматска пушка, додека лицата од мерцедесот, 38-годишниот Мемеди С.  од Скопје и совозачот  Шакири Б. биле приведени.

 

Околу 18 часот и 40 минути од страна на СВР-Скопје, во близина на клучката Илинден, приведени се лицата Абдула Ф. и Зејнел З. од Скопје.

 

Едниот од нив имал влезно излезна рана во пределот на абдоменот и е пренесен на Ургентен.