Тој додаде дека Балбуено никој не го турал од перонот, ниту пак случајно паднал, туку скокнал под возот со намера да се убие и себе и детето.
Торес раскажал дека во првиот момент се парализирал, но потоа го слушнал плачот на девојчето и веднаш скокнал да помогне.
„Видовме две тела како лежат под возот на шините. Го прашавме девојчето дали може да се помеси, а таа ни пружи рака. Помислив: „Фала на Бога жива е и може да се движи“, рече Торес.
Според неговите зборови, ниту тој ниту Домингез не можеле да се пикнат под возот, па побарале од девојчето да доползи до нив.
„Таа го направи тоа. Штом дојде до нас, ја зедов во прегратка и се качив на платформата, каде сите собрани патници ја прифатија“, наведе Торес.
Детето веднаш е пренесено во блиската болница и по деталниот преглед е пуштено дома. Лекарите велат дека детето е физички целосно здраво и дека е вистинско чудо како не се здобило дури ниту со гребаница.
Балбуена неколку минути пред да се убие ја повикал својата жена Нијурка Карабаљо по телефон и се простил од неа. „И рече: Збогум. Чувај ни ги децата“, раскажа пријателот на Фернандо и на Нијурка Луис Санчез.
Тој додаде деја Нијурка не разбрала баш најдобро што зборува сопругот, но знаела дека нешто не е во ред. „Веднаш отрчав на станица, каде го затекнав трупот на мажот и расплаканата ќерка во шок“, наведе Санчез.
Нијурка подоцна рече дека му е благодарна на Бога што детето и е живо, а покојниот сопруг го опиша како добар татко.
„Беше вистински ангел, но се бореше со депресија. Не знам што му помина низ глава во моментот кога со детето скокна под воз. Тој го сакаше нашето девојче“, рече очајната жена.
