ДПА: ЕУ денеска го објавува планот за спротивставување на Русија
Се очекува денеска Европската комисија да претстави пред земјите-членки на ЕУ конкретен план за тоа како, според неа, треба да се одговори на актуелните закани од Русија и други агресивни актери, според нацрт-документ во кој увид имала германската агенција ДПА.
Во нацртот-т. н. Бела книга за иднината на европската одбрана, Комисијата нагласува седум приоритетни области во кои е неопходно да се надминат празнините во воените капацитети.
Тие вклучуваат противвоздушна и противракетна одбрана, системи за беспилотни летала и електронско војување.
Документот потенцира дека Европа мора да биде подготвена за војна доколку сака да ја избегне.
Во него се наведува дека Русија неповратно се движи кон економија ориентирана кон воени цели, продолжувајќи ја војната со Украина, додека истовремено се подготвува за идни конфликти со европските демократии.
Европската комисија веќе најави дека ќе собере 800 милијарди евра за проекти за обновување на вооружувањето, што вклучува нов фонд од 150 милијарди евра и привремено изземање на одредени инвестиции во одбраната од строгите фискални ограничувања на Унијата.
Во нацртот исто така се предупредува на зависноста од САД, иако не толку директно како што тоа го предвидуваа високата претставничка на ЕУ за надворешни работи Каја Калас и еврокомесарот за одбрана Андриус Кубилиус.
Експлицитните делови за САД, кои биле дел од претходната верзија на документот, нема да бидат вклучени во финалната верзија по интервенција на некои членови на Комисијата, дознава ДПА.
Во првичниот нацрт се предупредувало дека САД потенцијално би можеле да ја ограничат или целосно да ја укинат достапноста на клучни компоненти за воени операции.
Според нацртот, единствениот начин за надминување на оваа зависност е заедничко европско развивање на неопходните воени способности преку заеднички одбранбени проекти.
Ново на Сител
-
10 пациенти пуштени на домашно лекување, Таравари апелира граѓаните да не собираат пари сами, лекувањето е бесплатно
-
27 лица и 3 фирми осомничени за пожарот во Кочани, 30-дневен притвор за екс министерот Бектеши
-
Николовски: Се контролираат и лиценци за изградба на сите објекти
-
Психолошка помош им е потреба на голем број граѓани, особено на семејствата кои ги изгубија најблиските
-
Преглед на вестите од светот
-
Приведени тројца градоначалници на Кочани
-
Зајакнати тимови од психолози и психијатри во Кочани, МОН препорачува да се работи со децата
-
Тема на денот со Сашо Клековски, директор на ФЗОМ