Дождот не престанува, граѓаните во паника- поплавени улиците во регионот, водостојот расте

Обилни врнежи создадоа проблеми на големиот дел од хравтското крајбрежје, а најголема количина врнежи наврнала во Медулин, во Истра.

Тамо од вчера по полноќ до денеска попладнето наврнало дури до 45 милиметри дожд, од што скоро 40 милиметри за само еден час, од 11 до 12 часот.

Тоа е повеќе од 60 отсто од месечниот просек кој наврнал за еден час, јавува Индекс.хр

Засега најголеми проблеми имаат жителите на Истра, од каде пристигнуваат извештаи за бројните поплавени улици.

Освен тоа, потоците и реките имаат се повисоки водостои.