Донирано ново санитетско возило за Општата болница во Кавадарци
Општата болница во Кавадарци доби ново санитетско возило со комплетна медицинска опрема, донација од кавадаречката компанија „ИГМ”, вредна 33 илјади евра.
Директорот на болницата, Диме Коцев се заблагодари за донацијата. - Ова ново возило е од огромна важност за животот на пациентите кои треба брзо, меѓутоа и безбедно да бидат транспортирани по потреба, до било која медицинска установа во нашата држава, нагласи Коцев.
Тој најави уште една донација од истата компанија, а тоа е комплетно оградување на дворот на болницата во должина од над 1.000 метри, со бетонски постаменти на челична ограда, заедно со изградба на нов модерен влез во болницата.
- Оваа инвестиција ќе изнесува некаде околу 70 илјади евра, така што вкупната донација заедно со ова возило ќе ја надмине сумата од 100 илјади евра. Со тоа, компанијата на чело со Илија Гечев станува практично амбасадор на нашата болница во бизнис заедницата, додаде Коцев.
Ново на Сител
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници
-
Сиљановска-Давкова: Војната во Украина не е украински, туку европски и светски проблем
-
Талибанците ќе испратат делегација на претстојниот состанок во Доха за Авганистан
-
66-годишен велосипедист тешко повреден во сообраќајка во Илинден
-
Курбан Бајрам одбележуваат припадниците на муслиманската вероисповед
-
Во Владата истакнат премиерски портрет на Џафери
-
Објавени правилата на дебатата меѓу Бајден и Трамп, која ќе се одржи на 27 јуни