Дончиќ стана четвртиот играч во историјата на НБА со 73 поени

Кошаркарот на Далас, Лука Дончиќ постигна 73 поени ноќеска на натпреварот од регуларниот дел од НБА сезоната против Атланта (148:143).

Според веб-страницата на НБА, Дончиќ постави нов личен рекорд за постигнати поени во натпревар од регуларниот дел од сезоната. Дваесет и четиригодишниот словенечки репрезентативец стана и четвртиот играч во историјата на НБА кој достигнал 73 поени на еден натпревар. Претходно ова им успеа на Вилт Чембрлен, Коби Брајант и Дејвид Томпсон.

Далас ја прекина серијата од три порази и се наоѓа на осмото место во западната конференција.

Следен натпревар на Маверикс е во 3 часот по полноќ против Сакраменто на домашен терен.