Доналд Трамп нов претседател на САД
Доналд Трамп беше избран за 45. претседател на САД. Со победата во Висконсин тој доби повеќе од 270 гласови во Изборниот колегиум, кои се потребни за победа.
Кандидатот на Републиканската партија се обрати од својот изборен штаб во Њујорк изразувајќи благодарност за поддршката и довербата што ја добил.
Тој истакна дека кандидатот на демократите Хилари Клинтон му ја честитала победата.
- Таа имаше мошне добра кампања, бидејќи таа навистина се бореше. Таа работеше долго и напорно долг период и и должиме благодарност, додаде тој.
- Сега е време во САД, демократите, републиканците сите да се сплотиме како обединета нација. Му ветувам на секој граѓанин на нашата земја дека ќе бидам претседател на сите Американци, тоа ми е мошне важно, рече Трамп.
- На оние кои избраа да не ме поддржуваат им пружам рака и барам насока и помош за да можеме заедно да ја обединиме нашата сјајна земја, рече новиот претседател на САД.
Тој кампањата ја оцени како неверојатен потег на милиони мажи и жени, кои ја сакаат оваа земја и нејзината светла иднина.
- Ова е движење на сите Американци од сите раси и вери и кои очекуваат нашата влада да му служи на народот и тоа ќе го сториме, ќе работиме заедно за одржување на американскиот сон, нагласи Трамп.
Тој истакна дека постои голем потенцијал во САД и вети дека секој Амриканец ќе има можност да го оствари својот потенцијал.
Трамп вети обнова, изградба на училишта, болници, тунели. подобра инфраструктура. Тој вети и проекти за национално закрепнување.
- Ќе го удвоиме растот и ќе имаме најсилна економија, ќе се согласуваме со сите нации, кои сакаат да се согласуваат со нас. Ќе бараме заеднички јазик, а не непријателство, ќе бараме партнерство, а не судири во односите со другите земји, порача новиот американски претсесдател.
Ново на Сител
-
МВР со апел да не се наседнува на измами со лажни сообраќајки, да се пријават во полиција
-
Претреси во струмичко, пронајдена дрога | ФОТО
-
Познати сите екипи кои се пласираа во следната рунда од Евролигата
-
Милер го напушта Баерн по 25 години минати во клубот
-
Мицкоски на ПС НАТО: Да се размисли за механизми со што нема да се дозволи билатералните спорови да бидат пречка во остварувањето на колективната цел
-
Четири лица тешко повредени откако возило се преврте во Волково
-
Бројот на загинати во Мјанмар достигна 3.354, САД ја зголемува помошта на девет милиони долари
-
Околу 500 илјади кокошки уништени поради птичји грип во Албанија