ДОМ: Сите граѓани имаат право на здрава животна средина

ДОМ по повод Денот на планетата Земја порачува дека сите граѓани на Република Македонија имаат право на здрава животна средина и дека државата има обврска да ја обезбеди, со сериозен третман на животната средина.

- Итно ни треба Закон за урбано зеленило за да престане уништувањето на градското зеленило, наведуваат од ДОМ. Од партијата посочуваат дека бараното решение за ваков закон не е Законот за зеленило донесено пред распуштањето на Собранието. 

ДОМ смета дека итно е потребен и Закон за квалитет на почва, за да знаеме каде живееме, што садиме и што јадеме.

Овие и многу други проблеми, според ДОМ, не можат да се решат со скромен буџет од пет милиони евра на Министерството за животна средина. Тој буџет, како што наведуваат, треба да се зголеми најмалку за 10 пати, за да можеме како земја да си ги решиме основните проблеми со чист воздух, вода и почва.