Дојава за бомба и во Основно училиште во Скопје
Покрај осумте скопски средни училишта, основното училиште “Петар поп Арсов” е прво основно кое е опфатено со новите дојави за поставени бомби. Основното училиште во Карпош е евакуирано, а како и во останатите училишта, полицијата врши проверки.
“На 01.12.2022 година околу 15:20 часот добиена е пријава и од едно основно училиште дека на електронската адреса на училиштето стигнала закана за поставена експлозивна направа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за раасчистување на случајот”.
Покрај во ОУ “Петар поп Арсов”, дојави за поставени бомби биле испратени на електронските пошти на училиштата „Раде Јовчевски-Корчагин“, „Орце Николов“, „Јосип Броз Тито“, „Панче Арсовски“, „Никола Карев“, „Владо Тасевски“, „Михајло Пупин“ и „Цветан Димов“.
Денешните дојави за поставени бомби во дел од скопските училишта следуваат по пауза од две недели.
Последниот пат кога училиштата во главниот град добија закани за поставени експлозиви во своите објекти беше на 16-ти ноември, а во сите случаи досега беше утврдено дека станува збор за лажни дојави.
Горан Симоновски
Ново на Сител
-
Шпанија освои бронза на ракометното СП 2023
-
Левица обвинува за уништување на Tиквешкото Eзеро
-
Четириесетгодишна скопјанка физички нападната од нејзиниот поранешен вонбрачен партнер
-
Со закани одземени пари од вработени во бензинска и обложувалница во Скопје
-
Грчки државјанин починал во казино во Гевгелија
-
Ливерпул испадна од ФА Купот откако прими гол во 90+2 минута против Брајтон
-
87 санкции за брзо возење на територија на СВР Битола
-
Детектор анкета: Граѓаните сметаат дека власта е најодговорна за економската криза во која што се наоѓа Македонија