Додик најави пролонгирање на законите за армијата и даноците во РС
Членот на Претседателството на Босна и Херцеговина, Милорад Додик најави дека ќе се пролонгира носењето на закон во Народното собрание на Република Српска, со кој ингеренциите од областа на одбраната и на даноците од државата се враќаат на ентитетот.
– Логиката налага поради новите околности да ги пролонгираме тие работни места за уште шест месеци. Никаде не брзаме, но можам да кажам дека сите документи се подготвени. Се чека процедурата, но ќе го одредиме моментот, наведе Додик.
Тој, одговарајќи на прашање дали очекува санкции од Германија, по САД и Велика Британија, кои го обвинија за дослух со Москва, наведе дека „им служи исклучиво на РС и на српскиот народ и дека ќе биде и против Москва ако таа преземе или бара нешто против српските интереси во РС“, истакна Додик.
Тој истакна дека ќе ги суспендира сите британски и германски проекти во РС.
– Нека размислат во Берлин што значи да се има парцијален однос кон ентитетите. Можеби тие со таквата политика дополнително не разделуваат, истакна Додик.
Ново на Сител
-
Мицкоски: Добро се справуваме со пожарите
-
Инсекти тврдокрилци се преносители на пожарите на Серта
-
ДУИ: Бројот на советници во општините да се врати на старо
-
Нов мултифункционален центар во Аеродром
-
Нов базен во Кисела Вода
-
Општата болница во Струмица добива нови доктори и здравствен персонал
-
Светски ден на борба против хепатитис
-
Преглед на вестите од светот