До 11 часот излезеноста на изборите во Албанија 12 отсто

Портпаролката на Централната изборна комисија Дрилона Хоџај на првата прес конфренција соопшти дека до 11:00 часот одѕивот на гласачите е 12 отсто.

Таа ги повика граѓаните да го остварат нивното граѓанско право, зашто, како што рече изборите во демократија може и треба да прозлезат единствено од дадениот глас и додаде дека процентот на излезност на гласањето е бројка која се очекува да се менува од момент на момент.

Централната изборна комисија ја информира јавноста дека сите избирачки места се отворени низ целата земја, со исклучок на 7 во Пострибе, регионот на Скадар, додека во 53 гласачки места во Вау те Дејес, гласањето започнало со доцнење и истото сега се одвива нормално.

Во еднствениот избрачки список запишани се 3.464.328 лица со право на глас,но поради масовната миграција реалната бројка е многу помала.

Инаку, изборниот процес го набљудуваат 150 набљудувачи на ОБСЕ/ОДИХР, 20 набљудувачи од амерканската амбасада и по четворца од италијанската и британската амбасада.

На гласачко место во Тирана беше и амбасадорот на делегацијата на ЕУ, Луиџи Сореца. – Тука сум за да го набљудувам процесот на гласање и тоа е мојата улога.

Утре ќе ги чекаме извештаите, рече Сореца. На новинарско прашање дали во вакви околности би гласал во неговата земја, Италија, тој одби да одговори.