Директорката на детската градинка во Берово позитивна на Ковид-19
Директорката на детската градинка „23 Август“ во Берово е позитивна на Ковид-19. Како што информираат од установата, со позитивен наод на вирусот се и две учителки, и две негувателки, поради што поголема е листата на вработени и деца кои заминуваат во изолација.
-Безбедноста и на вработените и на децата во градинката е пред се поради што во изолација заминуваат три групи деца кои посетуваат градинка и 15 лица од персоналот во градинката. Меѓу потврдените позитивни, освен двете учителки и негувателки има и еден вработен во администрацијата. Сите се со добар здравствен билтен, информираат од градинката.
Посочуваат дека за среќа кај персоналот и децата кои заминаа во изолација не се забележани симптоми на вирусот, додека кај потврдените позитивни случаи само дел од заразените имаат симптоми на болеста.
Во меѓувреме, во градинката се преземаат дополнителни мерки за спречување на ширење на заразата.
-Во установата ќе бидат извршени вонредни дезинфекции на сите простории, како и други заштитни мерки согласно протоколите за заштита од вирусот, велат од градинката „23 Август“.
Во Берово заклучно со синоќешните информации за состојбата со Ковид-19 вирусот, има 105 активни случаи, а меѓу нив веќе неколку дена е и градоначалникот на општината Звонко Пекевски.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.