Димитров во Осло: Потпишана Заедничка изјава за партнерство и соработка меѓу Македонија и Норвешка
Министерот за надворешни работи Никола Димитров денеска престојуваше во работна посета на Осло, каде се сретна со својот норвешки колега Борге Бренде. Притоа беше потпишана Заедничка изјава за партнерство и соработка меѓу Република Македонија и Кралството Норвешка, соопшти Министерството за надворешни работи.
- Заокружувајќи ја својата нордиска турнеја, денеска министерот за надворешни работи на Република Македонија, Никола Димитров, престојуваше во возвратна посета на Осло и средба со својот норвешки домаќин, министерот за надворешни работи, Борге Бренде. Посетата доаѓа по само неполни два месеца од јунската посета на норвешкиот министер Бренде на Скопје. На топлата и продуктивна средба беше означено отворањето на ново поглавје во односите со норвешката демократија, што беше одбележано со потпишување на Заедничка изјава за партнерство и соработка меѓу Република Македонија и Краслството Норвешка, се вели во соопштението.
По тој повод министерот Димитров го поздравил фактот што токму Норвешка, како докажана нордиска демократија, препознала „нова надеж и нов почеток во Македонија“. Димитров изразил и особено задоволство што нордиските земји ни стануваат толку блиски пријатели и што оваа регионална посета завршува со потпишување на изјава за конкретна поддршка на реформските напори на Македонија.
Министерството за надврешни работи на Кралството Норвешка денеска објавило јавен повик за реформска помош насочена кон зајакнување на ЕУ интеграцијата на Македонија.
Престојот во Осло, Димитров го искористил и за средба со поранешниот норвешки министер за надворешни работи Кнут Волебек, а дал и интервју за НРК радио.
Посетата на Осло, истакнуваат од МНР, означува крај на регионалната посета на нордиските земји во рамки на која покрај Норвешка, беа посетени Данска, Шведска и Финска.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски