Димитров на средби во Европскиот парламент
Министерот за надворешни работи Никола Димитров претпладнево одржа работен брифинг со групата „Пријатели на Македонија“ во Европскиот парламент, предводена од европратеникот Ханс Ван Бален (АЛДЕ).
Димитров, како што соопшти МНР, ги брифираше европратениците за процесот на имплементација на Договорот од Преспа, како и за досегашните постигнувања и планираните чекори во клучните реформски области.
Министерот Димитров ја изразил силната посветеност на Република Македонија за обезбедување напредок во евроинтегративниот процес и ја реафирмирал заложбата на Владата за понатамошно спроведување на реформските приоритети.
– Во моментов една од најважните цели за земјата е преточување на јунските заклучоци на Советот на ЕУ во формално отворање на пристапните преговори во јуни 2019 година што, меѓу другото, беше рефлектирано и во усвоената Резолуција на Европскиот парламент, се вели во соопштението од МНР
Димитров се сретнал и со европратениците од АЛДЕ, Иво Вајгл и Ханс Ван Бален. На средбата со Вајгл се разговарало за неодамна усвоената Резолуција за Република Македонија во Европскиот парламент. Димитров со претседателот на групата „Пријатели на Македонија“ Ханс Ван Бален разговарал за претстојните активности на групата за поддршка на евроинтегративните процеси на Република Македонија.
Работната посета на Димитров во Брисел продолжува со активности во рамки на НАТО, при што предвидени се повеќе билатерални средби на маргините од министерскиот состанок.
Ново на Сител
-
Тема на денот со Трајан Ангелоски, претседател на Сојуз на стопански комори
-
Ќе обезбеди ли власта мнозинство за да спречи предвремени локални избори
-
ВМРО-ДПМНЕ: Филипче пријавил поголем имот како пратеник, отколку кога бил министер
-
Се проширува пожарот во Мариово, два ер-трактори и полициски хеликоптери се неисправни
-
Ќе се замрзнуваат цените на производите ако трговците не ги поевтинат
-
Ниска цена за експропријација на земјоделско земјиште за новиот автопат Прилеп - Битола
-
Комисијата за заразни болести будно ја следи состојбата по пријавата на заразено дето со морбили
-
Лицата со мускулна дистрофија тип Душен и Бекер бараат поддршка од државата