Димитриевски: Се прска со средство против подмрзнување на фреквентните пешачки зони
Градоначалникот на Општина Куманово, Максим Димитриевски информира дека службите за зимско одржување се на терен и распрскуваат течност против подмрзнување на коловозот.
– Екипите на ЈП „Чистота и зеленило“ се распоредени во централното градско подрачје, се прска со средство против подмрзнување на фреквентните пешачки зони, вели Димитриевски.
Претходно, од одделението за комунални дејности информираа дека сè е подготвено за зимско одржување на улиците.
Општина Куманово во ноември избра компанија за зимско одржување на градот. Договорот со најповолниот изведувач е склучен во октомври, годинава по претходно објавена јавна набавка. Според податоците објавени на електронскиот систем за јавни набавки Општина Куманово за зимско одржување ќе одвои 8.993.016 денари. На тендерот е избрана фирмата „Кооп Инженеринг“. Градот како и претходните години е поделен на источна и западна зона и според правилата се чисти по приоритет при снежни врнежи првата зона, централното градско подрачје, големите крстосници, улици каде се сместени витални објекти, по што следува втората зона, улиците и населените места по налог.
Избраната компанија, информираа тогаш надлежните поседува специјални возила, меѓу нив, камиони, со различни перформанси, големина, капацитет, соларки, снежни плугови, булдожери, грејдер, претходно наведено во барањата на тендерската постапка. Фирмата има и доволно количина на сол и ризла. Покрај градот, компанијата е должна да ги одржува и патиштата кои водат кон 42-те села, кои гравитираат околу Куманово. Во чистењето на градот ќе се вклучи и ЈП „Чистота и Зеленило“ чии екипи ќе нанесат средство за спречување од настанување лед, а ќе ги стави на располагање и два трактори кои можат да се адаптираат со ножеви за чистење на снег.
Ново на Сител
-
ДУИ бара меѓународен ветинг за високата корупција
-
Приведен 66-годишен маж осомничен за напад врз малолетник
-
Нападната 23-годишна девојка - скопјанец и го зел телефонот, чантата и насилно ја внел во возило
-
Нападната 56-годишна работничка во продажен објект во Карпош
-
Во сообраќајка загина 18-годишно момче од Виница
-
Судир меѓу четири возила на излезот од Прилеп кон Битола
-
Димитриеска-Кочоска: Обезбедени се средства за платите во јавната администрација согласно колективните договори
-
Два нови пожара, кај Градманци и кај Негорци каде што огнот се приближува до првите куќи