Димитриевски од Софија: Од Македонец не бидува Бугарин
Градоначалникот на општина Куманово Максим Димитриевски во денешното гостување во емисијата „Говори сега“ на бугарската национална телевизија БВТ1 потенцираше дека бугарската држава треба да сфати дека од Македонец бива само Македонец и не бива ништо друго.
„Ние сме Македонци, вие сте Бугари. Ве сакаме и ве почитуваме, сакајте не такви какви што сме, затоа што на друг начин никогаш нема да се разбереме. Гоце Делчев е синонимот на македонската борба, еден од современите македонски преродбеници. На крајот, каде почива? Во Скопје, тоа му била последната желба. Зошто не го решила бугарската држава повеќе од 40 години да го стави во саркофаг да го закопа некаде во Бугарија, бидејќи сакал да почива во независна Македонија“, рече Димитриевски.
Во емисијата, тој информираше дека за положување на цвеќе во Скопје чекал два часа, бил најавен во делегацијата и чекал затоа што такви биле мерките за безбедност.
Во однос на ситуацијата со момчето од Охрид, Димитриевски посочи дека момчето не го познава, но го осудил веднаш тој чин.
„Не го познавам момчето, јас го осудив веднаш тој чин. Кој печали? Прво печалат поединци кои не сакаат добри македонско бугарски односи и мислам дека додека Бугарија да се свести со блокадата којашто ја прави на Македонија многу други држави околу Бугарија всушност ќе ја придобијат довербата од Македонскиот народ. Луѓе сфатете една работа, блиски сме, се почитуваме. Пред 15 дена бев на Пампорово, пеев македонски песни заедно со мои пријатели драги бугари. Значи, истото тоа го прават кога доаѓаат во Куманово кај мене. Но, вие мора да признаете еден непобитен факт дека Македонецот постои. Не можете да велите дека 46-та ние сме настанале кога мојот дедо Ѓорѓи македонски пред 2 века напишал во црквата дека го зимал презимето македонски затоа што Македонец, а не Бугарин, Србин или Грк. И вие тоа не го признавате. Мора да се надминат тие стереотипи од минатото и да врвиме заедно напред, бидејќи најголем бенефит од евроинтегративниот процес на Македонија ќе го има токму Бугарија. Во мојот град нема да се тргнат натписите кадешто пишува бугарски фашистички окупатор затоа што тој бил окупатор, не бил администратор. Значи, нас не окупира“, изјави Димитриевски.
Ново на Сител
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис