Димитриевски на средба со противкандидатите: Ќе инкорпорираме заедничка програма за Куманово
Суштинските проекти од програмите на сите кандидати за градоначалници во Општина Куманово ќе се инкорпорираат во една заедничка програма и во следните четири години ќе се имплементираат.
Ова беше договорено на средбата на кумановскиот градоначалник, Максим Димитриевски, кој денеска се сретна со кандидатите за градоначалници на Куманово, Оливер Илиевски од СДСМ, Тони Михајловски од ВМРО-ДПМНЕ, Теодора Димитровска од ЛДП и ДОМ, и Беким Салиу од АА/А.
На средбата се разговараше за реализацијата на проектите со кои противкандидатите настапија на Локалните избори 2021, подобрување на општината, како и за подобар квалитет на живот на сите кумановци.
– Куманово се одважи и покажа заедништво, ова е патот по кој мора да се движиме. Тоа им го должиме на граѓаните, на себе и на нашите деца. Ветувам работење исклучиво во интерес на сите граѓани, затоа што граѓанскиот интерес е пред сè! Општината и во следните четири години е отворена за сите граѓани, организации, институции, за сечија идеја и делување за подобрување и унапредување на Куманово, напиша Димитриевски.
Дополни дека Општината секогаш ќе биде отворена и за неговите противкандидати, затоа што, како што пишува „за интересите на граѓаните мораме да бидеме обединети и сложни“.
Ново на Сител
-
Определен притвор за четворица осомничени за пукањето во Тетово
-
Бела куќа: Трамп и Путин ќе имаат состанок в петок во Енкориџ
-
Свечена седница по повод 24 години од потпишувањето на Охридскиот рамковен договор
-
Ангелов: Борбата со пожарот во ловиштето Јасен продолжува, успешно изгасната една линија, теренот останува критичен
-
Го живеам мојот сон, сакам да ме паметат по дела | Орце Ѓоргиевски | Неформално | Sitel Podcast 108
-
ЦУК: Активни пожари во Јасен, Свиларе, Радуша и уште четири локации
-
Студентската листа е 99 отсто завршена, во неа нема опозиција ниту влада, тврдат српските студенти во блокада
-
Израел тврди дека нема масовна глад во Газа