Детектор: Изненадување ли се новите позиции на Софија?
Речиси 40% од граѓаните го поддржуваат Договорот за добрососедство меѓу Македонија и Бугарија, покажува последното истражување на јавното мислење кое го спроведе Институтот за политички истражувања.
Според истражувањето поддршка на Договорот со Софија даваат 39,6% од анкетираните додека 31,2% се противат.
13,7% од граѓаните велат дека не слушнале за Договорот, а 15,6% немаат одговор
Во споредба со анкетата која ИПИС за емисијата „Детектор“ ја спроведе во февруари годинава забележан е пораст на индеферентност кон ова прашање. Бројот на поддржувачи, но и на противници на договорот е намален во последниве осум месеци.
Од 48,7% колку што давале поддршка во Февруари, процентот е намален на 39,6 %, а противниците од 36% исто така се спуштиле на 31,2% .
Притоа треба да се има предвид дека октомвриската анкетата е направена пред Бугарија да ги испорача најновите услови за поддршка на македонските евронтеграции, што се очекува дополнително да влијае на резултатите.
Генерално гледано, 52, 6 имаат донекаде позитивен став кон Бугарија, 34, 1 негативен. Ова е пад, споредено со февруари, кога за источниот сосед добро мислење имале 58,7, а 32, 6 негативно.
Три четвртини од граѓаните сметаат дека Гоце Делчев е Македонец. Ваков став имаат 75% од анкетираните имаат ваков став, 4,6% сметаат дека тој е етнички Бугарин, додека 4,9% имаат мислење дека тој е и Македонец и Бугарин. 15,5% од анкетираните не одговориле на ова прашање.
Речи си и да нема промени кога станува збор за ставот на граѓаните во последните 8 месеци околу заедничката прослава на настани и личности со соседна Бугарија. И во февруари и сега, за околу 41,5% од граѓаните овој компромис останува неприфатлив.
Сепак, мнозинството граѓани сметаат дека Договорот со Бугарија треба да остане. Ваков став имаат 38,3% од анкетираните. Наспроти нив, 32,8% сметаат дека Договорот треба да се поништи додека 28,8% немаат одговор.
Анкетата на Институтот за политички истражувања Скопје е спроведена во периодот од 4 до 7 октомври, годинава, врз репрезентативен примерок од 1106 испитаници.
