Десетици евакуирани поради ерупција на вулкан на јапонскиот остров Кјушју
Ерупција на вулкан со исфрлени огромни количества чад, пепел и камења, принуди на евакуација десетици жители од два града на јужнот јапонски остров Кјушју.
Големи камења паѓале дури и на 2,5 километри оддалеченост од кратерот на вулканот Сакураџима во јужниот дел на префектурата Кагошима, околу илјада километри југозападно од Токио.
До утрово своите домови ги напуштиле 33 жители, барајќи засолниште во побезбедните делови на областа. Засега нема информации за штети или повредени.
Кратерот на вулканот од утрово не може да се види поради неповолните временски услови.
Снимките објавени од јапонскиот јавен радиодифузер „Ен-Ха-Ка” покажуваат портокалови пламени во близина на кратерот и темен чад со пепел што се извива високо над врвот на планината.
Јапонската метеоролошка агенција го подигна предупредувањето за ерупција на највисоко, петто ниво и препорача евакуација на 51 жител од загрозеното подрачје. Агенцијата предупреди дека лава, пепел и запален гас може да течат во радиус од два километри околу вулканот додека вулкански карпи може да паднат и до три километри оддалеченост од кратерот.
Ново на Сител
-
Камбоџа, пред СБ на ОН, побара итно примирје во конфликтот со Тајланд
-
Ристовски: Министерството за спорт не е организатор на ЕМОФ 2025, но правиме сѐ што е во наша моќ за да помогнеме
-
Скопје одбележува 62 години од катастрофалниот земјотрес
-
Сончево и топло со температура до 43 степени Целзиусови
-
Хеликоптерите на МВР фрлија повеќе од 30 тони вода на пожарот на планината Плачковица | ВИДЕО
-
Хуманитарната катастрофа во Газа мора веднаш да престане, велат Париз, Лондон и Берлин
-
Најмалку 25 лица загинаа, а 280.000 останаа без покрив над главата од почетокот на обилните дождови на Филипините
-
Министерот Тошковски во посета на џудо тренинг сесија на полициските специјалци во Центарот за обука во Идризово