Десетици евакуирани поради ерупција на вулкан на јапонскиот остров Кјушју
Ерупција на вулкан со исфрлени огромни количества чад, пепел и камења, принуди на евакуација десетици жители од два града на јужнот јапонски остров Кјушју.
Големи камења паѓале дури и на 2,5 километри оддалеченост од кратерот на вулканот Сакураџима во јужниот дел на префектурата Кагошима, околу илјада километри југозападно од Токио.
До утрово своите домови ги напуштиле 33 жители, барајќи засолниште во побезбедните делови на областа. Засега нема информации за штети или повредени.
Кратерот на вулканот од утрово не може да се види поради неповолните временски услови.
Снимките објавени од јапонскиот јавен радиодифузер „Ен-Ха-Ка” покажуваат портокалови пламени во близина на кратерот и темен чад со пепел што се извива високо над врвот на планината.
Јапонската метеоролошка агенција го подигна предупредувањето за ерупција на највисоко, петто ниво и препорача евакуација на 51 жител од загрозеното подрачје. Агенцијата предупреди дека лава, пепел и запален гас може да течат во радиус од два километри околу вулканот додека вулкански карпи може да паднат и до три километри оддалеченост од кратерот.
Ново на Сител
-
Стартуваше платформата „Канцер имејџ Јуроп“
-
МФ: Издадени првите структурни обврзници – ги помагаме општините да се справат со финансиските предизвици
-
Кривична пријава против жител на Орќуше поради пустошење на шума
-
Мисија на САД во ОБСЕ: Човечките жртви од руската агресија во Украина во фокусот на конференцијата во Варшава за човечка димензија организирана од Северна Македонија
-
Над милион деца во Британија спијат на под или креветот го делат со некој друг
-
Двајца дилери приведени во Скопје- пронајдени различни видови дрога и три ваги
-
Приведен скопјанец кој му се заканувал на неговата мајка и малолетна ќерка
-
Група малолетници нападнале момче и снимале со телефон