Десет лица загинаа во поплавите во Италија
Во поплавите што погодија неколку градови во централниот дел на Италија, 10 лица загинаа, а најмалку четири се водат како исчезнати, соопштија властите.
Десетици луѓе мораа да бараат засолниште на покривите или на дрвјата и да чекаат да бидат спасени поради поплавите предизвикани од обилните дождови.
Поројните води ги поплавија гаражите и подрумите и ги урнаа вратите, автомобилите беа носени и фрлани еден врз друг, а некои ниви во близина на морето беа неколку метри под вода.
„Тоа не беше водена бомба, туку цунами“, рече градоначалникот на местото Барбара Рикардо Пасквалини за ненадејниот дожд што го уништи неговиот град во централниот италијански регион Марке, во близина на Јадранското Море.
Околу 1.300 жители на градот останаа без вода за пиење поради поплавите.
Премиерот Марио Драги на прес-конференција во Рим изјави дека во поројните поплави загинале 10 лица, а четворица се водат како исчезнати. Тој им се заблагодари на спасувачите за професионалноста, посветеноста и храброста.
Официјални претставници рекоа дека околу 50 лица побарале третман во болниците поради повреди.
За неколку часа, во таа област падна количина дожд што вообичаено се добива за шест месеци, објави државната телевизија.
Ново на Сител
-
Мицкоски: Интеграцијата на ЕУ да се темели на напредок, а не билатерални прашања
-
Тема на денот со професор Методи Хаџи Јанев
-
ВО ЖИВО: Мицкоски во Брисел на средба со Фон дер Лајен и Мишел
-
Борисов бара оставка од Николовски или крај на разговорите со Македонија
-
Албанските партии нема да седат мирни по укинувањето на балансерот, се најавуваат закони за правична застапеност
-
Пациент почина на Инфективна поради компликации од западно-нилска треска
-
Дефицитот од докторски кадар во ЈЗУ ќе се надоместува со приватни специјализанти
-
СДСМ: Тошковски го ослободил бодигардот на Мицкоски кој тепаше полицаец