Денот на Европа ќе се одбележи со оддавање почит на жртвите на Ковид-19
По повод Денот на Европа – 9 Мај, Делегацијата на ЕУ во Северна Македонија организира настан пред платото на Градската општата болница „8 Септември“.
Настанот ќе почне во 12.30 часот со кревање на знамињата на Република Северна Македонија и на Европската Унија, по што ќе се оддаде почит со едноминутно молчење за жртвите од Ковид-19.
Како што соопшти европската делегација во Скопје, на церемонијата свои обраќања ќе имаат евроамбсадорот Самуел Жбогар и премиерот Оливер Спасовски. На настанот ќе присуствуваат и шефот на дипломатијата Никола Димитров, министерката за одбрана Радмила Шекеринска и министерот за здравство Венко Филипче.
Настанот ќе се пренесува во живо на официјалниот канал на Владата на Северна Македонија.
По повод Денот на Европа, делегацијата на ЕК во Скопје ќе одржи и Еуротон (Eurothon), целодневна он лајн програма на социјалните медиуми на Делегацијата на ЕК и на Европска куќа.
Програмата ќе почне со интонирање на химната на ЕУ „Ода на радоста“ во изведба на студентите од музичкото училиште „Пиано арт“ од Скопје, по што ќе следуваат он лајн обраќања на евроамбсадорот Жбогар и на еврокомесарот за проширување Оливер Вархеји.
Еуротон ќе почне во 11 часот, а ќе вклучува и емитување делови од дебати на евроамбасадорот Жбогар со ученици од средни училишта низ земјава, презентација на програмите на Еразмус и други активности.
Ново на Сител
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни