Денеска е Задушница, утре Педесетница (Духовден)
Православните христијани денеска ја одбележуваат Задушница во знак на сеќавање на починатите, а утре ја празнуваат Педесетница - Слегување на Светиот Дух (Духовден).
Црквата пропишала посебни денови - задушници, четирипати годишно, кога верниците се молат за покој на душите на починатите. Задушница е секогаш в сабота, ден што црквата го одредила за помен и молитва за упокоените.
На Задушница се оди во црква каде што се служи литургија и парастос. На овој ден се посетуваат гробиштата каде што со молитва, пченица и лепче осветено со црвено вино се изразува помен за починатите. На Задушница верните им даваат милостина на сиромашните во име на покојните и се молат за покој на нивните души.
Духовден, пак, го означува слегувањето на Светиот Дух врз апостолите, или како што го нарекуваат светите отци „Роденденот на Црквата“. На 10-тиот ден од Христовото вознесение, а на 50-тиот од Неговото воскресение, на еврејскиот празник Педесетница, Светиот Дух слезе врз апостолите во вид на пламени јазици, а тие се исполнија со сила и добија дар да зборуваат на разни јазици.
За црквата овој настан има посебно значење затоа што Светиот Дух од тоа време, па се до денес не ја напушта и непрестано слегува врз црквата на литургијата, во молитвите, во сите дела. Тој е оној Дух по кој христијанскиот живот се нарекува духовен. Педесетница е еден од најсветлитe празници во христијанството и претставува исполнување на старозаветните пророштва. Во Стариот завет луѓето знаеа само за Бог, со раѓањето на Христос го видоа Единородниот Син, а на Педесетницата го запознаа третото лице на Света Троица - Светиот Дух.
Ново на Сител
-
Димитриевски: Да се трудиме да останеме сплотени и единствени како држава
-
Во пресрет на дебатата, Трамп се заканува со затвор за вмешаните во „изборната кражба“
-
Шеф на ЦИА: Западот не треба да се плаши од руските нуклеарни закани
-
Приведени криминалци во Скопје барани со потерници за извршени тешки кражби
-
Мицкоски: Оваа генерација има обврска да ги исправи грешките и да создаде иднина за сите наредни
-
ЦУК: Активни три пожари, под контрола четири, изгаснати 31
-
Украина и Русија меѓусебно се обвинија за воздушни напади во текот на ноќта на граничните области
-
Петмина затвореници побегнаа од строго чуван затвор во Португалија