Демократски конгресмени разговарале со психијатар за менталното здравје на Трамп
Група конгресмени од Демократската партија на САД органзирале средба со психијатарка од универзитетот Јеил за да дискутираат за менталната состојба на американскиот претседател Доналд Трамп.
Докторката Бенди Ли е коавтор на книга во која група психијатри тврдат дека Трамп покажува знаци на душевна болест и дека неговиот избор за претседател на САД е опасен за државата.
- Конгресмените ми рекоа дека се загрижени од опасноста која доаѓа од претседателот и од неговата психолошка нестабилност, изјави Ли.
Демократски конгресмени бараат отповикување на Трамп по повеќе основи, обвинувајќи го за контакти со Русија и за неспособност да ја врши функцијата, но за евентуален импичмент на Трамп се потребни две третини од гласовите во Конгресот.
На средбата што била организирана со Ли, присуствувал и еден член на Сенатот од Републиканската партија, но неговото име не е соопштено во јавноста. Десетина републикански конгресмени и сенатори се гласни критичари на Трамп и се спротиставуваа на неговиот избор за претседател.
Портпаролката на Белата куќа Сара Сендерс изјави дека коментарите на докторката Ли се крајно недолични, а таа се соочи со критики и поради кршењето на правилата на американската психијатриска организација да не се даваат оценки за лица кои не биле прегледани од страна на докторот.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228