Демант на СЈО дека иницидент во Боговиње е поврзан со обид за атентат врз обвинителката Фетаи

Специјалното јавно обвинителство (СЈО) денеска демантира дека определен инцидент во Боговиње што се случил на седми овој месец е поврзан со обвинителката Фатиме Фетаи.   

- СЈО категорично ги демантира написите на некои медиуми во кои се тврди дека определен инцидент во село Боговиње, случен на 7 февруари оваа година, е поврзан со обвинителката Фатиме Фетаи и во кои се шпекулира дека во заднината на инцидентот бил обид за атентат врз неа. Информираме дека тој ден обвинителката ниту била во Боговиње, ниту пак тој настан има каква било поврзаност со Фетаи, стои во соопштението објавено на веб-страната на СЈО.